Riceviamo da Silvia Razzoli, che ringraziamo, questa poesia in dialetto montanaro dedicata a Giuliano Razzoli.
Da'e me paes' Odissea dumila e des
A la mè manera av voj cuntar
quel che in t'un paes e pol capitar:
quand un ragas campiun edventa,
l'arvulta i pinser ed tutta la genta.
Incima a 'na pista de Canadà
l'ha fat al falistre d'ed cià e ded là;
agli Olimpiadi de duemila e des
l'ha vint un ragas de noster paes!
Tuch i numre in coincidenza
i l'han favoriì, già in partenza,
ma en basta mia far du + du
perchè e talent e gla miss luu !!
In piaza a Vila, a veder e campiun
E riveva genta da tuch i cantun.
Tuta la montagna la s'è ardusida
pran mancar a la "grande sfida".
Ien staa mument ed trepidaziun:
vech e ragas i ghivne i lusgun,
chi cul brag, chi cun la vesta
tuch present, ierne a far festa.
Chi sa smanieva, chi piangiva,
chi sbraieva e chi en ga cardiva.
Ai sedze centesme ad l'ultma discesa
ian fat sunar al campan e dla cesa.
Carlino, Gazzetta, Stampa e Corriere
ieren delus pr'è medagliere..
Ansun vinciva c'la mdaia d'or,
tuch i spetevne e campiun ed Razol.
Rocca ed Tomba ien a sta bun
a mantgnir alta la cuncentraziun
par prer blisgar mei giù par la riva
e metre in te sac, tuch con la piva.
La mdaia d'or e pol basar
e tanta genta e dev ringraziar,
ma chi l'ha vint la cumpetiziun
l'è staa la custanza de noster campiun.
E mal da schena, pu dop i scarpun
i gan fat pruvar dal delusiun,
ma cun calma e cun pasiensa
l'à superàa la su penitenza
La su passiun e vriva lasar
s'en gh'era su pà, a stag a badar.
I soo muntanar i ghen a sta arent
anch quand in pista, en s'vinsciva gnent
E su Fan Club l'ha mis in pista
tanta ad cla genta ch'en s'era mai vista
e anc su mama pra stag a drée
la l'ha nudrigàa a caplet e turtée.
Cun Gaetano a cuurdinar,
al soo surell al s'en dade da far
a metre insem la tifoseria
e acumpagnal lung la su via.
E dop a tanta tribulaziun
l'è adventàa un ver campiun,
con la tempra de muntanar,
che dev suffrir se vol arrivar.
Qui chi stan in tla nosta montagna
i san cos' è vol dir far la cavdagna,
e quand l'è ura ad metse a l'antun
ien bun ad far cresre, anc un campiun.
L'è ad 'na pasta genuina
e po, eg pias anc la cantina.
E ga la ghigna de brav ragas
e tutte al sa girne quand e va a spass,
Adessa che e mond per te l'è in festa,
an ta muntar brisa la testa
ad la tu famia tinte in t'la ment,
chi t'han insignaa i bun sentiment.
Ten alt l'orgoli a dla tu pruveniensa,
dal too origini e dl'apartenensa,
adla tu montagna, sensa partes
e ad tutta la genta de tu paes.
E tu dialet continua a parlar
anc quand e sucess et farà vular;
a eser nustran, n'arnunzar mai
se anch e t'è ados, la truop ed la RAI.
E adesa chi sun che adree a fnir
sul duu lavur e m'armagn da dir:
dop la surtida cl'a fat cul fiol
a sema urguglius d'esre ad Razol!
E a chi che cunta d'ad cià e d'ad là,
una richiesta i gh'ema da fà:
Della montagna onorate il campione
ma ricordatevene in ogni stagione!
La Cesira (Silvia Razzoli)
Medaglia d’oro anche alla Cesira… Complimenti, come sempre riesce a strappare più di un sorriso…
(Fiorella Gilioli)
Grazie, grazie mille a Giuliano e alla Silvia che ci regalano momenti di gioia e allegria!!!
(Elisabetta Goldoni)
La Cesira, nonchè Silvia, non si smentisce mai, è una grande… D’altronde “la ven da Razol”…!!! Bravissima, complimenti!
(Donatella Zanni)
Brava, Silvia, riesci sempre a trovare parole giuste, a farci riflettere: in questo mondo non è poco.
(Domenico)
Brava Silvia
Credo che anche sorridendo si possano dire delle cose importanti come hai scritto in questa poesia… Brava, Silvia, hai detto tutto quello che c’era da dire. Speriamo che il campione se le ricordi sempre.
(Silvana Aguzzoli)
Brava Cesira, la tua poesia è bellissima, saggia e divertente! I Razzoli… una marca e una garanzia!
(Laura)
Dal vecchio prof.
Complimenti per essere riuscita, così simpaticamente, a entrare nel cuore del magico evento.
(Gioacchino Pedrazzoli)
Rime belle e originali.
(Stefania Costi)
Uguali
Razzoli Silvia, Razzoli Giuliano: un cognome che è una garanzia, il meglio di tutto… Complimenti vivissimi a Giuliano per la sua strepitosa impresa!! Ma veri complimenti al sig. preside.
Ciao Silviaaaaaaaaaaa, la razza Razzoli, fenomenali tutti.
Un grazie da Eros.
L’or e l’argent
@CMè i n’avre esagerar,
ma a me dais che di campion i gnaema du:
un d’or e un d’argent,
L’or l’è un sciador,
l’argent l’è un attor.
Vuater cos’ adziv?#C.
Complimenti alla medaglia d’oro che, a onor del vero, a livello nazionale, non è stato poi menzionato ed onorato come si doveva, poichè è stata l’unica medaglia d’oro italiana. Complimenti anche alla medaglia d’argento, ovvero Silvia Razzoli, sempre Razzoli e sempre pronta a donare buonumore.
(Luisa Valdesalici)